Khang ki skul nongkyndong bym don nonghikai ha West Jaintia Hills: JSM

Syllad | The Rising MeghalayaApril 6, 2021

Watla ka sorkar kala pynmih iaka hukum haka 26/3/2021 ban plie iaki skul la ha sor na nongkyndong naduh 1 April 2021, hynrei ka Jaiñtia Students’ Movement kala lap ba ki don ki skul ha ki thain nongkyndong ki dang bteng ban khang khyrdep iaki skul.

Ka JSM kala lap ba kine ki skul kiba khang ki kynthup ïaki saw tylli ki skul sorkar Lumkhudung Govt School, Samatan Govt LP school, Myngngor LP Skul bad ka Thadmuthlong Govt LP School. Baroh saw tylli kine ki skul kila khang khyrdep bad ym don wat tang uwei u nonghikai.

Ka JSM Western Region kala leit jurip ia kine ki skul haka jingialam u Ribok Biam Education Secretary, General Secretary C Suchiang haka sngi ba Ar.

Ka JSM kala dawa naka sorkar bad u Myntri ka tnad ka Pule puthi ban thung nonghikai ha kine ki skul khnang ba nym shah ktah ka pule ka puthi ki khynnah skul bad ki hep ki rit ha ki jaka nongkyndong.