Khang kit sniang na bar jylla bad kiwei ki district

Syllad | The Rising MeghalayaAugust 11, 2020

U Deputy Commissioner, West Jaintia Hills District Garod LSN Dykes ula pynmih iaka hukum ban khang kit ne wanrah sniang na kiwei ki jylla bad ki district bapher bapher hapoh ka district.

U Bah Garod, ula pynmih ia kane ka hukum hadien bala pur ka jingiap sniang na ka jingpang khlam kaba suba ba dei ka African Swine Fever (ASF) sa sha ka shnong Nongtalang, Muktapur, Lamin bad Shnongpdeng kaba hap ha Amlarem Sub-Division, West Jaintia Hills District.

“Ban iada naka jingsaphriang kane ka jingpang khlam ki sniang sha kiwei pat ki shnong la khang iaka jingkit sniang tad haduh bala pynbna da kumwei,” la ong ka ka hukum kaba la pynmih u DC.

Duna 200 tylli ki sniang kila iap, ka sorkar kam pat lah pynthikna ba iap na ka khlam African Swine Fever

La khang ban wanrah ne kit sniang na kitei ki shnong sha kiwei pat ki shnong bad na kiwei ki shnong sha kitei ki shnong kiba shah ktah haka jingpang khlam sniang.

Sar ka jingpang khlam sniang ASF iap 173 tylli ki sniang ha Lamin

“Ka District Animal Husbandry & Veterinary Officer, West Jaintia Hills District, Jowai ka dei ban pynlong iaka jingpynshai paidbah halor ka jingpang khlam ki shnong bad ban hikai kumno ban iada bad ban pynkhuid iaki sem sniang bad tep iaki sniang kiba iap katkum ka kyndon,” ong ka hukum u DC.

Ban iakhun pyrshah iaka jingsaphriang jong kane ka khlam pule ia kane ka link: http://megahvt.gov.in/miscellaneous/ASF_KHASI.pdf