Khang pyrshah ban iaid bad kam shilliang iaka wah Litein, twa khyndew haka surok Borghat Sonapur

Syllad | The Rising MeghalayaMay 29, 2024

U Deputy Commissioner, East Jaintia Hills District ula khang pyrshang iaki nongshong shnong kiba sah marjan ka wah Litein ban kin iaid bad kam shilliang iaka wah ha kum kane ka por ba shlei um ban lait na kino kino ki jingjia kiba sngewsih.

U DC ula ong ba la ioh jingtip ba ka Wah Litein kaba don hapoh ka Saipung C&RD Block ka la shlei bad kala kiew ruh shaduh ka surok PWD bad ki jak aba marjan.

Kumta la kyntu ia baroh ki nongshong shnong jong ka District khamtam ki shnong ba don shajan kane ka Wwh, ba kin nym iaid kai shajan ne kam shiliang kane ka wah kynthup ki kali kat bym pat hiar ka jingshlei um khnang ban lait na kano kano ka jingsngewsih ia ki nongshong shnong ne ki nongleit nongwan.

La pyntip ruh ba ka don ka jingtwa khyndew ha ki katto kattne ki jaka jong ka Surok Borghat-Sonapur. La kyntu ia baroh ki nongshong shnong jong ka District khamtam ki shnong ba iaid lyngba kane ka surok ban long kiba husiar haba iaid lynti na kane ka surok bad lada don kano kano ka jingtwa khyndew la kyrpad ban pyntip sha u Executive Engineer, PWD (Roads) NEC, Khliehriat khnang ban ioh leh ia kaba donkam.