Khang shipor ka Sorkar ia baroh ki Iew Khappud

Syllad | The Rising MeghalayaAugust 12, 2024

Ka Sorkar Jylla ka la pynbna ban khang shipor ia ka jingtreikam jong baroh ki Iew Khappud ne Border Haat ha lynter ki jaka khappud bad ka Bangladesh namar ka jinglong jingman ha ka kam synshar khadar ha kane ka ri ba marjan.

Haba pyntreikam ia ka hukum ba la pynmih da u Commissioner and Secretary ka tnad Commerce & Industries ka Sorkar Meghalaya, ka Deputy Commissioner ka East Khasi Hills District, ha ka hukum ba la pynmih ha ka 8 tarik mynta u bnai ka pyntip ba baroh ki Iew khappud hapoh East Khasi Hills kin khang khyrdep mardor na ka bynta shipor tad haduh ban da pynbna da kumwei pat.

Ka Sorkar Jylla ka la pynjari ruh da ka korphiw miet ha lynter ki jaka khappud bad ka Bangladesh naduh ka por 6 baje janmiet haduh 6 baje mynstep.