Khang tala ka dorbar shnong Loomsooiung iaka iing ba kylla iingjah

Syllad | The Rising MeghalayaOctober 2, 2024

Ka Dorbar Shnong Loomsooiung Newhill, Jowai haka 2 tarik Risaw kala shim iaka sienjam ban khang tala shisyndon ia kawei ka iing kaba la kylla iingjah bad ka ktem jong ki kam sniew ha kawei ka jaka ba don hajan Challam Petrol Pump harud ka surok Jowai Shillong.

U waheh shnong Loomsooiung Ma Evermore Suchiang, ula iathuh ba kane ka iing ka la shah iehnoh la bun snem bad na ka liang ka shnong ruh kam shym la tip mano ba dei trai ia kane ka iing.

Nalor kata ula pyntip ruh ba naka liang ka tnad pulit jong ka district bunsien ka ju ioh ban kem iaki riew runar, ki nongtuh, nongdih drok kiba pyndonkam ia kane ka iing kum ka jaka riehtngen ka jong ki.

Ka dorbar shnong ka kyntu ia kino kino kiba dei ia kane ka iing ba kin wan iakynduh iaki nongialam shnong.