Khang tala ka KSU Jowai Circle ia ka toll plaza Ialong-Pasyih

Syllad | The Rising MeghalayaApril 11, 2022

Ka KSU Jowai Circle, hapoh ka jingialam u president Ioannis Suchiang bad kiwei kiwei ki dkhot ka KSU na ki unit bapher bapher kiba hap hapoh ka KSU Jowai Circle kila khangtala iaka toll plaza kaba don ha Pasyih Ialong hadien ba ka NHAI kala leh kuman ban pynioh iaki jingdawa ka KSU haka sngi Nyngkong.

U Ioannis ula iathuh ba ka KSU Jowai Circle kala dep phah da ka jingthoh sha u project director jong ka NHAI ha ka 23/09/2021, bad kala ai por kumba 3 bnai ban pyndep ia kitei ki jingdawa kiba kynthup ban buh iaki street light, ban maramot iaka surok bah bad ban shna iaki lynti iaid kjat kaba paka haka surok bah NH6, pynban kane ka company kala leh bym suidniew iaka jingdawa jong ka KSU.

Ula ong “Ngim banse ban shim ia kane ka sienjam ban khang tala bad naduh mynta ka sngi kane ka khyrdop toll plaza kam dei shuh

“Ka seng kam banse ban khang tala ia kane ka tollgate namar ba ngi sngewsih ba ka NHAI ka kheinsting iaka jingdawa jong ngi bad katba kam pat lah ban pynioh iaka jingdawa, ngim nym shah ba kan khrong pisa na kane ka toll plaza,” la ong u Ioannis.

Ha kane ka jingkhang tala ia kane ka khyrdop la iadonlang ki nongialam ka KSU WJHDU naduh u president Laitphar Syngkrem, general secretary Lenningard Tariang bad kiwei kiwei.