Khang tala ka KSU Nangbah unit iaka Punjab National Bank

Syllad | The Rising MeghalayaAugust 18, 2022

Ka Khasi Students’ Union (KSU) Nangbah Unit haka sngi Palei kala khang tala iaka Punjab National Bank, Nangbah Branch halor ka jingphiel ka jingtreikam kane ka bank bad ba kam ai ban ai ka jingshakri kaba pura ia u paidbah.

Ha kane ka jingkhang tala ia kane ka bank la ialam da u Morning Star Pasi president, Euginesius Hinge Secretary ha ryngkat ka jingiadonlang ki khun samla bad ki longkmie jong ka Shnong.

Ka KSU ka la leit ban khang tala ia kane ka bank hadien ba kane ka bank kam lah satia ban pynbiang iaki kor ki bor kiba kynthup iaka Update Machine, ka jingbym buh iaka ATM machine nalor ka jingkynnoh thurmur ka jingtreikam ki nongtrei kam ka bank.

Ka KSU kala ong ba kila dawa na kane bank la shisnem ban pynbiang iaki jingdonkam, pynban kane ka bank kala leh bynsuidniew iaka jingdawa ka KSU ban pynbiang iaka jingshakri ia u paidbah.

Ka KSU kaba la khie bitar halor kane kala shim iaka sienjam ban khang syndon ia kane ka bank tad haduh ba kala lah ban pynioh iaka jingdawa jong ka KSU.

Ha kajuh ka por ka KSU kala khublei ia u Waheh Shnong ha ryngkat bad ki dkhot shnong kiba la ai jingkyrshan iaka KSU halor kane ka jingdawa ban pynbiang jingshakri kane ka bank.