Khang tih mar pohkhyndew u DM East Jaintia Hills ha Krem Liat Prah

Syllad | The Rising MeghalayaDecember 14, 2022

U District Magistrate, East Jaintia Hills District Abhilash Baranwal, IAS ula khang pyrshah ban tih mar pohkhyndew ha sawdong sawkun ka Krem Liat Prah kaba don ha Shnongrim, East Jaintia Hills District.

U District Magistrate ula khang pyrshah ban tih mar pohkhyndew katkum ka bor kaba la pynkup ha u hapoh ka kyndon aiñ 144 CrPC.

Ka hukum ka khang pyrshah ban pyndonkam iaki tiar pynbthei ha sawdong sawkun ka Krem Liat Prah, kaba la niew kum ka jaka hyndai (heritage site). Kino kino kiba pyndonkam iaki tiar pynbthei shajan ka krem ki donkam ban ioh iaka clearance ne ka jingbit na u District Magistrate.

Ia kane ka hukum la pynmih hadien ka jingwan jurip kaba thung da ka ophis u DC hadien bala mih sha ki khubor halor ka jingma kaba ap iaka krem na ka jingkynnoh tih marpohkhyndew. Ha kane ka jingjurip la lap ba ka don ka jingpyrshang ban tih marpohkhyndew sha jan ka krem.