Khang tih shyiap u DM Eastern West Khasi Hills haki ar jaka

Syllad | The Rising MeghalayaJune 8, 2022

U District Magistor, Eastern West Khasi Hills District, ha ka hukum ba la pynmih haka 3 tarik u Jylliew 2022 katkum ka Section ba 144 ka CrPC, u la mana bad khang pyrshah ia ka jingtih shyiap ha ki jaka ka shnong Ksehkohmoit bad ha Krohbah kaba don ha shnong Langtor kiba hap hapoh ka Eastern West Khasi Hills District.

U District Magistrate u la pynmih ia kane ka hukum hadien ba la ioh jingujor halor ka jingdon jong ki briew kiba tih shyiap da kaba pyndonkam ruh ia ki kor ki bor ban pynkhuid ia u shyiap ba lah dep tih bad namar ba kane ka jingleh ka long beain bad ka pynjaboh ruh ia ki wah ba marjan kynthup ia  ka wah Kynshi.

Kane ka jingtih shyiap ka buh jingma ia ki dohum dohwah ha ki wahduid bad wahbah ha kitei ki jaka, bynrap shuh shuh ka hukum u District Magistrate. SDPRO