Khang u DC ban die iaki soh bala pynihjubor

Syllad | The Rising MeghalayaMay 27, 2020

U Deputy Commissioner (Supply), East Jaintia Hills District u pyntip ia baroh ki wholesaler/ retailer jong ki Soh hapoh ka District ba ka jingdie ia ki Soh kum u Sohpieng, Sohkymphor, ka kait bad kumta ter ter kiba ka shu pynih jubor, la khang pyrshah katkum ka kyndon 2, 3, 5 jong ka Food Safety and Standard (Provision and Restriction on Sale) Regulation 2011.

La khang pyrshah ban die ne tyrwa ia ki Soh kiba la injek lene pynih jubor. Ka jingpynkhein ia ka aiñ ba la kdew haneng jong ka regulation hapoh ka section 59(iii) jong ka Food Safety and Standard Act, 2006 yn pynshitom da ka ba shah set patok kaba lah ban kot haduh 6 snem bad yn shah dain kuna 5 lak tyngka.

Kumta, la mana ia baroh ba kim dei ban leh beain bad lada lap yn shah pynshitom.  

.   

.