Khang u DM iaka surok Syntu Ksiar Chymang

Syllad | The Rising MeghalayaJune 18, 2022

U District Magistrate, West Jaintia Hills ula pynmih iaka hukum ban khang iaka surok Syntu Ksiar Chyrmang hadien ba kam long shngain ia u briew bad ki kali motor ban iaid ban ieng.

U District Magistrate haka hukum kaba ula pynmih haka sngi Saitjain katkum ka kyndon aiñ 144 CrPC, kane ka surok L026 Syntu Ksiar sha Chyrmang Road (L 4.00 Km) kala julor phom na ka daw ka jingpynjulor ka mariang, kumta kan wanrah jingeh bad buh jingma iaka jingim briew kiba iaid ba ieng na kane ka surok lada ym shim iaki lad jingiada.

Kane ka hukum ban khang ia kane ka surok kan treikam mardor tad haduh bala pynbna da kumwei.

Also Read | Dkut ka surok Chyrmang Iongnoh hap ka kali sha riat

Kumban shu pynkynmaw kane ka surok kala twa naduh ka Sngi U Blei bala dep, bad kane jingtwa ne dkut ka surok kala pyniakhialad iaka shnong Chyrmang bad ka Iongnoh. Ha kane ka jingtwa kawei ka kali maruti car kala shah rong shah riat bad kala julor phom.

Shuh shuh hynne ka sngi Saitjain u Myntri kam Pohiing Ma Lahkmen Rymbai haka jingiadonlang u DC, SP bad ki engineer ka PWD (Roads) kila jurip ia kane ka surok bad iakren na ka bynta ban maramot kloi iaka surok.