Shim ka Dorbar Shnong Tympang Iawmusiang iaka rai kaba tyngeh pynbna khangdam halor ka ñiut Jowai

Syllad | The Rising MeghalayaApril 23, 2022

Ka Dorbar Shnong Tympang Iawmusiang haka sngi Saitjan kala pynbna ban khangdam 36 kynta hapoh u pud u ang ka shnong Iawmusiang haka taiew ban wan ban pyrshah iaka jingphiel ka sorkar khamtam ka Jowai Municipal Board ban pynioh iaka bret ñiut ba pura iaka Jowai.

U Ma Ajoy Lywait waheh shnong Dorbar Tympang Iawmusiang haba kren bad ki nongthoh khubor hadien ka jingialang ka dorbar shnong, ula ong ka jingai por 3 sngi iaka sorkar ban pynkynriah ne pynkhuid iaki ñiut kala kut, hynrei namar ka jingsahkut ka niut haduh hynnin ka miet Thohdieng bad kila sakhi ruh da la ki jong ki khmat haka mynta ka sngi Saitjain, kumta kila rai ban khangdam 36 kynta ban dawa na ka sorkar ban pynioh mardor iaka jaka theh niut ba pura iaka Jowai.

“Kane ka jingkhang dam kan sdang naduh 6 AM jong ka 26 tarik Iaiong haduh 6 Pm jong ka 27 tarik Iaiong,” la ong u Ma Ajoy Lywait bad ha kane yn pyllait tang iaki kam kyrkieh kum ka Emergency Services, Dukan dawai dashin, kali dud, kali kit nongpang, nongthoh khubor.

Pule | Kut taiew yn pynkhuid ka JMB ia ki ñiut na sor Jowai

“Ka shnong Iawmusiang kadei kaba shah ktah bha bad shah pynthud bha haka niut kiba la lum thup ha Iawmusiang ha khmat DC Ophis bad Thomas Jones bad ka shnong jong ngi kam dei ka jaka theh niut, kumta naduh mynta ka sngi ki paidbah ki dei bad rah la la ka jong ki ñiut sha ki iing ki sem jong ki, tad haduh ba ka sorkar kan pynbiang iaka jaka theh niut,” la ong u Lywait.

Pule | Pulom ka kam bret ñiut ka Jowai, mih pyrshah u paidbah ha Khliehtyrchi phiel ka jingpynjari kyndon aiñ 144 CrPC

“Ngin mudui ruh iaka ujor ruh iaka FIR pyrshah iaki briew kiba la theh iaka niut ha Thomas Jones namar ba ka JMB kala dep ban pynkhuid bad synreit dawai khniang, pynban wat hadien la don ki briew kiba leit theh iaka niut ha Thomas Jones,” ula ong ma Ajoy.

Kumban shu pynkynmaw ba kane ka jingtheh ñiut ha Thomas Jones kadei hadien ka jingmih pyrshah ka dorbar shnong Khliehtyrchi bad ki nongshong ban khanglad iaka trok JMB ban theh ñiut haka jaka ba shipor ban bret niut kaba la tip kum ka Pangit, Khliehtyrchi kaba dei ka jaka jong ka JHADC.

Pule | Mih u paidbah u nongshong shnong ka Sutnga ban ap iaki trok kit ñiut ka Jowai Municipal Board

Ka Dorbar shnong Tympang kala khang pyrshah ia baroh ban bret ñiut hapoh u pud u ang ka shnong bad kala byrthen ba nangne shakhmat lada lap ia kiba bret niut kan aiti beit sha ka bor jong ka aiñ bad ki trai dukan, nongdie jingdieha Iawmusiang kin hap ban pynthikna ban pynneh iaka khuid ka suba bad rah iaki niut sha la ki jong ki iing ki sem.