Khih puk ka Khliehriat Constituency, wan phai u Nehlang Lyngdoh sha ka saiñ hima sima
Baroh shi katta ka dei tang ka khubor hamsaia ba ki paidbah kila iakren ba u Ma Nehlang Lyngdoh uba ju long teng u Myntri Sorkar un iakhun elekshon MLA biang bad mynta ka sngi une u rangbah ula rai ban pyniasnoh ialade bad ka seng National People’s Party (NPP).
U Ma Ma Nehlang Lyngdoh uba la long MLA ar sien kynthih na Rymbai kaba la tip mynta kum ka Khliehriat Constituency. U Ma Nehlang ula long teng ruh u Myntri Sorkar bad u ju bat ruh iaka tnad Mining ula wan pyniasoh sha ka party ha ryngkat ki nongkyrshan ki jong u.
Ka NPP ban pdiang burom ia u Ma Nehlang kala pynlong syndon da ka prokram kaba la long ha phyllaw jong ka ophis treikam ka seng NPP ha Lower Lachumiere, Shillong.
La pdiang sngewbha ia u Ma Nehlang da u National bad Vice president ka NPP u Conrad K Sangma bad u bah Prestone Tynsong, ryngkat u state president jong ka party u ma Sniawbhalang Dhar.
La iadonlang ruh ki MLA na rilum Jaintia kiba kynthup ia u ma Comingone Ymbon, Wailadmiki Shylla, Dasakhiatbha Lamare bad ki nongkitkam jong ka seng NPP jong ka jylla.
Kane ka jingpyniasnoh u Ma Nehlang Lyngdoh kala pynkhih hi puk iaka Khliehriat Constituency baroh kawei namar ba la thikna ba ka jingiakhun iaka elekshon MLA ka ban wan kan shongshit bha ha ka Khliehriat Constituency.
Facebook
Instagram
Youtube
Twitter
Leave a Reply