Khlad 3 ngut ki hep rit na ba bam tit khlaw ha West Jaintia Hills
Lai ngut ki khynnah kila duh ei iaka jingim jong ki naka jingshitom jur bad suba ba bam ia u jhur tit khlaw naka shnong ha West Jaintia Hills.
Kine kiba khlad ki dei ka Riwansaka Suchiang 8 snem ka rta, Kitlang Suchiang 12 snem ka rta bad u Wansalan Suchiang 15 snem ka rta. Baroh lai ngut kine ki khynnah ki dei shipara, ki khun jong ka Kong Jumonlang Suchiang bad u Ma Linus Sumer.
Kane ka jingjia kala jia haka shnong Saphai kaba hap hapoh ka Laskein C&RD Block, West Jaintia Hills District.
Ka khubor ka iathuh ba kine ki khynnah la suba ba kila bam ia u tit khlaw 28 tarik Jymmang bad kila shitom jur bad la pynkit sha jaka sumar ha MCH Hospital, Jowai bad Ialong Civil Hospital.
La iathuh ba ka Riwansaka kala khlad haka 30 tarik Jymmang, u Wansalan haka 31 tarik Jymmang bad u Kitlang haka 1 tarik Jylliew.
Haduh bala thoh iaka khubor ym pat lah pynthkina katno ngut kiba shitom na kane ka jiingpang bam tit khlaw.
Facebook
Instagram
Youtube
Twitter
Leave a Reply