Khlad 4 ngut bad 136 iabit thymmai iaka jingpang COVID-19

Syllad | The Rising MeghalayaSeptember 7, 2021

136 ngut ki briew kiba iabit thymmai iaka jingpang khlam COVID-19, 4 ngut kila khlad naka jingpang bad da kane ka jingiap khlam kala kynjoh sha ka 1333 ngut ha Jylla haka sngi ba Ar.

Kine ki 4 ngut kiba khlad ki dei na 3 ngut na East Khasi Hills bad I wei na Ri Bhoi District.

Kat kum ka jingpyntip ka Tnad ka Koit ka Khiah, 136 ngut ki briew kila ïabit thymmai ïa kane ka jingpangkhlam bad kiba dang shitom ne ki active case ka long 1929 ngut hapoh ka Jylla.

Ki briew kiba iabit thymmai iaka jingpang khlam ki kynthup na EGH:2, EJH: 2, EKH: 63, NGH:1, RBD: 21, SWKH: 3, WGH:15, WJH: 13 bad WKH: 16.

Ki nongpang kiba la ioh pat iaka jingkoit ki don haduh 307 ngut. Kine ki kynthup na EGH: 3, EJH: 7, EKH: 132, RBD: 12, SGH: 1, SWGH: 4, SWKH: 19, WGH: 5, WJH: 47 bad WKH: 77.

Ka jingdon jong ki briew bala ïabit ïa kane ka jingpang khlam ha Jylla baroh ka long 77280 ngut bad napdeng kine 74018 ngut kila ïoh ïa ka jingkoit bad 1333 ngut kiba ïap nalor ki briew ba dang shitom.