Khlad 4 ngut iabit jingpang khlam COVID-19 thymmai 478 ha Jylla

Syllad | The Rising MeghalayaJune 17, 2021

Sa 4 ngut ki briew kiba iabit iaka jingpang khlam COVID-19 kila khlad noh bad 478 ngut kila iabit khlam thymmai haka sngi Palei.

Kine kiba khlad ki long 2 ngut na East Jaintia Hills District bad mar 1 wei na West Jaintia Hills bad West Garo Hills District.

Da kane ka jingkhlad kine ki saw ngut ka Jylla Meghalaya kala kynjoh haduh 762 ngut ka jingdon jong ki briew kiba iap pang COVID-19.

Kat kum ka jingpyntip ka Tnad ka Koit ka Khiah, sa 478 ngut ki briew kila ïabit thymmai ïa kane ka jingpangkhlam bad kiba dang shitom ne ki active case ki don 4609 ngut hapoh ka Jylla.

Ki briew kiba iabit thymmai iaka jingpang khlam ki kynthup na EGH: 43, EJH: 19, EKH: 189, NGH: 20, RBD: 17, SGH:35, SWGH: 15, SWKH: 24, WGH: 60, WJH: 37 bad WKH: 19.

Ki nongpang kiba la ioh pat iaka jingkoit ki don 329 ngut. Kine ki kynthup na EGH: 15, EJH: 6, EKH: 107, NGH: 4, RBD: 25, SGH: 06, SWGH: 17, SWKH: 08, WGH: 50, WJH: 89 bad WKH: 02.

Ka jingdon jong ki briew bala ïabit ïa kane ka jingpang khlam ha Jylla baroh kala kiew sha ka 43732 ngut bad napdeng kine 38361 ngut kila ïoh ïa ka jingkoit bad 762 ngut kiba ïap nalor ki briew ba dang shitom.