Khlad 7 ngut, ïabit thymmai 188 ngut iaka jingpang khlam COVID-19

Syllad | The Rising MeghalayaSeptember 10, 2021

188 ngut ki briew kiba iabit thymmai iaka jingpang khlam COVID-19, 7 ngut ki briew kila khlad bad da kane ka jingiap kala kynjoh sha 1346 ngut ha jylla haka sngi Thohdieng.

Kine kiba la khlad 7 ngut ki dei na East Khasi Hills District: 5 bad mar iwei na South West Khasi Hills bad West Jaintia Hills.

Kat kum ka jingpyntip ka Tnad ka Koit ka Khiah, 188 ngut ki briew kila ïabit thymmai ïa kane ka jingpangkhlam bad kiba dang shitom ne ki active case ka long 2007  ngut hapoh ka Jylla.

Na kine, ki briew kiba iabit thymmai iaka jingpang khlam ki kynthup na EGH: 2, EJH: 2, EKH: 101, RBD: 17, SWGH: 1, SWKH: 6, WGH: 3, WJH: 12 bad WKH: 44.

Ki nongpang kiba la ioh pat iaka jingkoit ki don haduh 144 ngut. Kine ki kynthup na EGH: 6, EJH: 3, EKH: 87, NGH: 1, RBD: 3, SWGH: 1, SWKH: 3, WGH: 7, WJH: 9 bad WKH: 24.

Ka jingdon jong ki briew bala ïabit ïa kane ka jingpang khlam ha Jylla baroh ka long 77877 ngut bad napdeng kine 74524 ngut kila ïoh ïa ka jingkoit bad 1346 ngut kiba ïap nalor ki briew ba dang shitom.