Khlad ar ngut kiba na Assam ba shah iuh haka trok ha Ri Bhoi

Syllad | The Rising MeghalayaNovember 4, 2024

Arngut ki samla kynthup ia kawei ka samla kiba dei napoh Assam ki la khlad hashen hadien ba ka thuk thuk kaba ki shong ka la shah iuh ha kawei ka trok ha ka surok bah National Highway No. 06 ha Shangbangla, Ri Bhoi District ha ka step 3 tarik Naiwieng.

Ka khubor pulit ka iathuh ba kawei ka thuk thuk Royal Enfield Himalaya Bike kaba don ia u registration nombor AS01 FF 3367 ka dei kaba la niah da u Nilutpal Dowari (23 snem rta) uba dei na Sarupather, Dibrugarh ha ka jingiadon lang ka samla Gargee Chutia (21 snem rta) kaba dei na Gadadha Singha Path Joytipur Moranhat, Charaideo, Assam kaba wan na ka thain Guwahati sha Shillong, hynrei ynda la poi ha ka thain Shangbangla une u samla hapdeng ka jingpynher sted u la pyrshang ban shim pass ia kawei ka trok kaba don ia u nombor AS01 RC 0413 ba la niah da u Bah Helmi Suting 34 snem rta uba dei na Moorathud. West Jaintia Hillls hadien ba u la kum tynrah ia ka taiar dien jong ka trok bad rung sha khrum jong ka trok kaba la ioh iuh ia ki kat haduh ba kin da khlad hashen.

Hadien kane ki pulit ki la pynkynriah noh ia kine ki metiap shapoh ka jaka buh metiap ka Civil Hospital, Nongpoh ban leh ia kaba donkam bad pyndep ia ka Post Mortem.

Na ka liang ki pulit ki la pyntip ruh ia kane ka jingjia sha kiba haiing hasem jong kine ki arngut ki lanot bad ba kin wan mih shapoh thanad ban pyndep ia ki jingdonkam baroh.