Khlad biang sa 9 ngut, kiew ka jingiap khlam COVID-19 sha ka 880, kiba koit 497

Syllad | The Rising MeghalayaJuly 6, 2021

Ka jingdon jong ki briew kiba iap pang COVID-19 kala kynjoh sha 880 ngut ha Jylla hadien bala khlad biang sa 9 ngut bad kiba koit ki don 497 ngut haka sngi ba Ar.

Kine kiba khlad sa 9 ngut ki dei na East Khasi Hills: 05, Ri Bhoi: 02 bad mar iwei ha West Jaintia Hills bad West Khasi Hills.

Kat kum ka jingpyntip ka Tnad ka Koit ka Khiah, 457 ngut ki briew kila ïabit thymmai ïa kane ka jingpangkhlam bad kiba dang shitom ne ki active case ka long 4305 ngut hapoh ka Jylla.

Ki briew kiba iabit thymmai iaka jingpang khlam ki kynthup na EGH: 08, EJH: 10, EKH: 99, NGH: 22, RBD: 154, SGH: 10, SWGH: 12, SWKH: 14, WGH: 69, WJH: 45 bad WKH: 14.

Ki nongpang kiba la ioh pat iaka jingkoit ki don haduh 497 ngut. Kine ki kynthup na EGH: 21, EJH: 12, EKH: 143, NGH: 60, RBD: 69, SGH: 10, SWGH: 15, SWKH: 03, WGH: 66, WJH: 84 bad WKH: 14.

Ka jingdon jong ki briew bala ïabit ïa kane ka jingpang khlam ha Jylla baroh ka long 52358 ngut bad napdeng kine 47173 ngut kila ïoh ïa ka jingkoit bad 880 ngut kiba ïap nalor ki briew ba dang shitom.