Khlad hashen arngut ki nongshong scooty ba iuh ka trok ha surok Shillong Bypass
Arngut ki briew kiba dei na West Jaintia Hills District ki la khlad hashen hadien ba ka scooty kaba ki shong ka la leit ban tynrah ia kawei pat ka kali katba ka dang thmu ban shim overtake ia kiwei pat ki kali ha ka surok bypass hajan Tyndai Resort ha Umroi, Ri Bhoi haka Sngi U Blei hadien ba ki la kylla khongpong sha madan bad shah iuh ha ka trok kaba dang iaid.
Ka khubor pulit ka iathuh ba kane ka jingjia ka la wan jia hadien ba kane ka scooty kaba don ia u registrationnumber ML05 AB 5721 ba la niah da u Khrawbor Pakma uba dei na ka shnong Mynso, West Jaintia Hills ha ryngkat u paralok jong u, uba la tip kyrteng kum u David Sajem 25 snem rta uba dei na Iooksi, West Jaintia ka dang don ha ka lynti sha Umiam hadien ba kane ka jingjia ba sngewsih ka la wan jia.
![](https://www.syllad.com/wp-content/uploads/2024/09/JIT-Vacancy-823x1024.avif)
Ki pulit ki iathuh ruh ba kane hadien ba ka la shim overtake ia kiwei pat ki kali ka la leit tynrah ia kawei ka kali Hyundai Eon kaba don ia u registration number ML05 K 2600 kaba dang iaid ha kajuh ka lynti.
La iathuh ruh ba ia kane ka kali Hyundai la niah da u B Marbiangbor Thangkhiew uba dei napoh Nongkseh, Upper Shillong da ka jingthmu ban leit sha Guwahati ha ryngkat kiba haiing hasem.
Na ka liang ki pulit ki iathuh ba u nongniah jong ka scooty um shym la lah ban tehlakam ia ka kali kaba u niah bad leit tynrah ia u bumper jong katei ka kali Hyundai bad kylla khongpong madan bad ioh rung ha khrum ka liang ka mon jong ka trok kaba dang iaid kaba don ia u registration number ML 11 8622 ia kaba la niah da u Iohbor Lapasam uba dei na Shangpung, West Jaintia Hills District.
Ha kane ka jingjia ki pulit ki iathuh ba baroh kine ki arngut kiba shong ha ka scooty ki la iap hashen na ka jingshah iuh ha kane trok na ki bynta jong ka khlieh.
Hadien kane la pynkynriah noh ia kine ki metiap shapoh Civil Hospital, Nongpoh na ka byna ban leh ia kaba donkam.
Mano mano ruh ym lah biang …