Khlad I Bah Chester Roy Shabong uwei na ki nongialeh Hill State

Syllad | The Rising MeghalayaAugust 3, 2021

I Bah Chester Roy Shabong uwei na ki nongialeh Hill State ula khlad noh na kane ka pyrthei haka 3 August (Nailar) 2021.

Ka Federation of Khasi States, Ka Grand Council of Chiefs of Meghalaya lyngba u Bah John F Kharshiing u nongaiktien ula phah ka khubor sngewlem sha i lok jong i Bah Chester ka Kong Tynraoi Laloo, sha ki khun ki kti bad kba haiing hasem baroh halor ka jingkhlad noh I Bah Chestar.

“Kum ka jaidbynriew Khasi bad ka jylla Meghalaya bad na ka liang ka Federation of Khasi States, Ka Grand Council of Chiefs of Meghalaya, baroh kawei ngim lah shuh ban klet ia ka jingaiti jong I Bah Chester lem bad ki spah ngut kiwei ki samla shipai kiba la shah jied ha u September 1968 ha ka first batch kum ki samla na ka dong Wahiingdoh ( Mawkhar Circle) ban mih kum u volunteer jong ka Non-violent Direct Action (NVDA), ban leit ban mih ban ieng lang bad kiwei ki samla ha khmat Assam secretariat (mynta ka Meghalaya Secretariat) ban khang ban ieng hakhmat khyrdop ka Assam Secretariat ha ka 10 September 1968, khlem salia khlem khuslai kaei kaban jia bad ban dawa NO HILL STATE NO REST ha u snem 1968,” la ong u Bah John.

Ka FKS bad ki Khlieh nongsynshar ka buh iaka jingduwai ia ka iing ka sem jong I Bah Chester bad ba U Trai nongbuh nongthaw un pyntngen iaka iing ka sem baroh kawei.