Khlad noh I Bah Matheus nongap kol barim ka jylla

Syllad | The Rising MeghalayaOctober 1, 2020

I Bah Matheus Khyriem iba ju khot ieit i Bah Bunya u nongap kol barim jong ka jylla ila khlad noh haka 1 tarik u Risaw 2020. I bah Bunya i dei iba ba shong ba sah ha Mawlai Phudmuri hajan Madan Heh Stadium.

Kum u nongap kol, I bah Bunya I la mihkhmat iaka Lajong ha u snem 1998-1999 bad kumjuh ia ka Riatsamthiah ha u snem  1990-1991 bad Wahingdoh ha u snem 1997-98.

Shuwa ula ap kol iaka Langsning Sports Club naduh u snem 1992 bad iai neh haduh ka snem 1997 bad ha u snem 2003 haduh ka snem 2005 ula ialehkai biang naka Langsniang.

Hadien ba u Bah Bunya ula shongthait kum u nongap kol ula sdang pat iaka kam Goalkeeper Coach bad ula pyndep ruh iaka AFC Goalkeeping Course

Naduh ka snem 2013 ula don bynta bad ka Langsning Football Club bad iai trei ia kane ka kam tad haduh ba ila khlad na ka sla pyrthei.

I Bah Bunya  ila iadon bynta ruh bad ka Royal Wahingdoh FC, ha ka por ba ka la iakhun ha ka lympung ialehkai jong ka I. League bad hikai ruh iaki klob kiba rit haka nongbah ba juh iashim bynta ha kiba bun ki lympung ialehkai ba juh pynlong ia ka da ka Shillong Sports Association (SSA).