Khlad noh I Ma HB Dan MLA barim ka Nartiang

Syllad | The Rising MeghalayaOctober 16, 2024

I Ma HB Dan ba ju khot ieid Ma Ten, MLA barim ka Nartiang constituency ila khlad noh na kane ka sla pyrthei ha ka step 16 tarik u Risaw 2024 ha iingsah ha Dulong, Jowai, hadien ka jingshitom kaba la neh tang katto katne bnai.

I Ma HB Dan, i la ju long kum u MLA ka Nartiang constituency 3 sien ha ki snem 1978 (Minister of State) 1988 bad 1998 (Cabinet Minister) da kaba bat ruh ia ki Department bapher ba pher jong ka sorkar Meghalaya. I la ju bat ruh kum u Leader of Opposition jong ka Meghalaya State Assembly.

Ila shah jied kum MDC 2 samoi bad bat iaka kyrdan CEM jong ka JHADC 3 sien.

I long ruh iwei na ki riew rangbah uba ju ai buit ai bor ha ka synshar khadar bad ka sain hima sima.

I Ma Dan i dei i Tymmen Basan jong ka Balang Presbyterian Nongjngi.

I la ieh noh shadien ia ka lok, 7 ngut ki khun (4 shynrang bad 3 kynthei) bad ia ki 19 ngut ki khun ksiew.

Ka jingkhlad noh jong ine u rangbah ka long ka jingduh kaba khraw ia ka iing ka sem, ki kur ki jait, ki kha ki man, ki lok ki jor, ka Balang bad ka shnong ka thaw.

Ka sngi leit on tep kan long ha ka 18 tarik Risaw (October) 2024 naduh ka por 12 baje mynsngi (na iing) ha u lum jingtep jong ka Balang Presbyterian Jowai.