Khlad noh I Tbn. Moris Swer, phah khubor sngewlem Ka Sur U Paitbah East Jaiñtia Hills

Syllad | The Rising MeghalayaJune 17, 2021

I Tbn. Moris Swer uba shong ba sah ha Thangskai, East Jaintia Hills District ula khlad noh haka 17 tarik une u bnai bad ka jingleit ontep ia ka long haka juh ka sngi ha u lum jingtep ka Balang Presbyterian Thangskai, East Jaintia Hills.

U Tbn. Moris Swer ila ju long teng ruh I Waheh shnong ka Thangskai bad u dkhot ka synjuk kaba dnag shu thaw thymmai Ka Sur U Paitbah East Jaiñtia Hills.

Halor kane ka jingkhlad I Tbn Moris, ka Sur U Paitbah East Jaiñtia Hills District, ka pynpaw iaka jingsngewsih bad sngewdiaw, hadien ba la ioh jingtip ba u (L) Tbn M.Swer um don shuh ha kane ka pyrthei. I Tbn Moris I longiwei na ki riew rangbah uba paw khmat jong ka thaiñ East Jaiñtia Hills District iba don ruh ka mynsiem ba kylluid bad ban ai buit ha kino kino ki kam naka bynta ka jingmyntoi u paidbah.

Ka jingkhlad noh jong une u Rangbah ka la long ka jingduh kaba khraw ym tang ïa ka iing ka sem hynrei ka long ka jingduh ïa ka thaiñ East Jaiñtia Hills namar u long u briew u ba kwah bha ban kyntiew ïa ka thaiñ East Jaiñtia ha ki liang baroh.

“Ha kaba kum kane ka khyllipmat ngim don kyntien da kum wei pat, namar u Kynrad nongthaw u tip kham bha halor kiei kiei baroh, hynrei ngin buh ryngkat ha ki jingduwai ba U Blei Trai kynrad un pyntngen, ban sop ban spaiñ pat ïa ki jing pangnud kum ka iing kaba ia kynduh kum kine ki jingjia. Un pyndap iaka jaka ba thylli, ha kum kane ka por ba u lyoh ba dum u wan kah iaka iing ka sem jong phi,” la ong u kyrwoh bala phah da u Dr Ryngkat Phawa bad u Advocate Shitmon Pdang ki nongialam ka Sur U Paitbah East Jaiñtia Hills District Khliehriat.