Khlad noh u CEM barim ka KHADC bad MDC ka Nongthymmai

Syllad | The Rising MeghalayaSeptember 13, 2024

U Chief Executive Member (CEM) barim ka Khasi Hills Autonomous District Council (KHADC) uba dei ruh u MDC shimet ba mynta ka Nongthymmai constituency, u Bah Latiplang Kharkongor ula khlad noh ha ka janmiet jong ka 12 tarik Nailur ha Civil Hospital, Shillong hadien ka jingshitom kaba la bat kham slem.

U Bah Latiplang ia uba la ju tip bha kum u Bah Heh da ki paidbah hapoh ka constituency jong u bad shawei kumjuh u dei u khun jong u Bah (L) Joe Lyngdoh bad kurim jong I Kong Melvina Wanniang bad u la don saw ngut ki khun.

Ia ka met jong u la pynkit noh sha ka iingsah jong u ha Demthring Block IV bad ban sa pynkynriah sha iingkmie ha Nongkhyriem Nongthymmai ha ka 13 tarik Nailur tad haduh ban da pyndep ia ka jingleh niam kaba khatduh ha ka 15 tarik Nailur.

U la iehnoh kum u president ka Seng HNYF ha u snem 2002-03 bad iakhun ia ka elekshon MDC napoh Nongthymmai constituency naduh u 2004 bad jop haduh saw samoi. Ha ka 22 tarik Naiwieng, 2019, u Bah Latiplang ula shah jied kum u Chief Executive Member (CEM) jong ka KHADC kum u MDC shimet.

Shuh shuh na kaliang u Chief Executive Member KHADC u bah Pyniaid Sing Syiem ula phah iaka khubor sngewlem sha kiba haiing hasem sha kiba haiing hasem u Bah Latiplang Kharkongor. Ula ong ba ka jingkhlad jong I Bah heh kadei ka jingduhnong ka bakhraw ia ka KHADC bad ia ka Nongthymmai Constituency.

Na kaliang jong ula pyntip b akum ka dak ban burom khadduh ia u bah Latiplang, baroh ki nongtrei ka KHADC kin ioh shuti shiteng sngi haka 13 tarik u Nailur 2024.