Khlad noh u Dr. Donkupar Roy u Lamphang ka ïing dorbar ka Jylla

Syllad | The Rising MeghalayaJuly 28, 2019

U Dr. Donkupar Roy, u Lamphang, Meghalaya Legislative Assembly ula khlad noh haka sngi U Blei ha Medanta Hospital, Gurgaon haka por kumba 2:50 PM.

La phah sumar ïa u sha katei ka jaka sumar naduh ka taiew bala dep namar ka jingpang shini (acute diabetes).

Ïa ka metiap jong u yn pynkit lashai ka sngi sha ka shnong trai jong u.

U Dr. Donkupar u dei u MLA ka jong ka Shella Constituency, East Khasi Hills District. La kha ïa u Naiwieng 10, 1954.

U Dr. Donkupar u dei u President jong ka United Democratic Party. Ha u snem 2008 ula long kum u Myntri Rangbah ka Jylla bad ula bam smai ha u Lber 19, 2008 haka sorkar Meghalaya Progressive Alliance (MPA).

U Dr. Donkupar ula ïalam iaka sorkar MPA shisnem pura bad ha u Lber 19, 2009 kala khyllem bad wan ka jingsynshar President’s Rule.

Ha u bnai Jymmang 2009, ka United Democratic Party kala phet na ka Meghalaya Progressive Alliance, bad u Dr. D.D. Lapang ula wan biang haka bor kum u Mynrti Rangbah ka Jylla.