Khlad noh u Editor Kynjatshai, phah khubor sngewlem ka Shillong Press Club

Syllad | The Rising MeghalayaMay 23, 2020

Ha i Kong Kwestina Warjri,

Ka Shillong Press Club, ka dap da ka jingsngew kyndit bad sngewsih kthang ban tip ba i Bah Various Star Nongsiej, u Nongthoh Khubor ba la rangbah bha jong ka jylla uba long ruh u editor jong ka kot khubor Kynjatshai bad uwei na ki dkhot ba shit rhem jong ka Shillong Press Club u la khlad noh kynsan ha ka miet jong ka 22 tarik u Jymmang, 2020.

Ka jingkhlad noh jong i, ka long ka jingduh kaba khraw ym tang ia ki para nongthoh khubor, hynrei ia ka jylla hi baroh kawei.

Ka SPC ha ka 23 tarik Jymmang 2020 ka la pynlong ia ka jingialang sngewlem bad pynlong ruh ka jingsngap jar kaba ar minit.

Ngi phah ruh ka jingsngewlem sha phi i kurim ryngkat bad ki khun baroh ar ngut, i Godwin Warjri bad i Evansaralyne Warjri. Ngi duwai ba U Blei Un don ryngkat bad pyntngen iaphi ha kum kane ka por ba u lyoh badum u wan ban tap ia ka iing ka sem. Bad khamtam eh Un kyrshan bad pynshait bor iaphi ha ki sngi ki por ki ban dang wan.

“BHA, ME U SHAKRI BA BHA BAD BA NGEIT.., ME LA MINOT HA KIBA KHYNDIAT, YN AI NONG IA ME HA KIBA BUN. TO KHIE LEIT SHAPOH KA JINGKMEN U KYNRAD JONG ME.” Mathaios 25:21.