Khlad noh u HDR Lyngdoh kyrtong UDP bad la pynkynriah sngi iaka election ha Sohiong

Syllad | The Rising MeghalayaFebruary 20, 2023

Satang shitaiew shuwa ban ka Jylla kan poi sha ka jingjied nongmihkhmat ne MLA, u kyrtong jong ka seng United Democratic Party (UDP)  na ka 23 Sohiong Constituency,  u bah HDR Lyngdoh, u la khlad noh kynsan haka 20 tarik Rymphang 2023 ha Bethany Hospital,Nongrim Hills Shillong.

U bah HDR Lyngdoh ba juh tip bad khot ieit ia u kum u Maheh u labat teng ruh kum u myntri ka tnat kam pohiing jong ka sorkar jylla.

Da kane ka jingkhlad kyndit u Bah HDR Lyngdoh ka election ha Meghalaya kan long tang ha ki 59 tylli ki constituency bad la pynkynriah sngi noh iaka jingjied nongmihkhmat ha Sohiong Constituency.

U Chief Electoral Officer FR Kharkongor baka election ha Sohiong la pynkynriah noh bad ka jingthep vote kan long tang naka bynta ki 59 Constituency.