Khlad noh U Ma Johnwyne Lyngdoh, sngewlem ki nongtrei jong ka JHADC

Syllad | The Rising MeghalayaDecember 3, 2020

U Ma Johnwyne Lyngdoh uba trei kum u SSR jong ka tnad Revenue ha JHADC ula khlad noh kyndit haka 3 tarik une u bnai.

U Ma Johnwyne Lyngdoh u bat ruh u General Secretary, Jaintia Hills Autonomous District Council Staff Association (JHADCSA).

Ki nongtrei jong ka JHADC lyngba u kyrwoh ba la phah da u President JHADCSA U Ma Johnson Pohrmen ka la pynpaw ka jingsngewsih kaba jur halor ka jingkhlad kyndit U Ma Johnwyne Lyngdoh.

Ki Staff jong ka Council ki pynpaw ïaka jingsngew duh nong kaba khraw halor ka jingkhlad Johnwyne Lyngdoh namar u long uwei na ki rishot kum u nongialam jong ka JHADCSA. Ka JHADCSA kala pynpaw ba kan ïai pyrto ïa ki kam ba bha bad ki jingnoh synñiang jong u Johnwyne sha ka JHADCSA bad ki nongtrei ka konsil.

Ki Staff ka Council ki la phah ka jingsngewlem sha ka ïing ka sem ka jong u Johnwyne Lyngdoh bad kan buh haka jingduwai ba U Blei nongbuh nongthaw un pyntngen iaka iing ka sem jong ki ha kum kane ka por ba wan kah dum u lyoh.

Ka jingleit on tep ïa i kan long haka 5 tarik mynta u bnai haka por 1.00 baje nohphai sngi ha u Lumjingtep ka Balang Katholik Mowkyndeng Madankynsaw.