Khlad noh u ma Simon Siangshai, MLA bad MDC barim ka Khliehriat

Syllad | The Rising MeghalayaSeptember 11, 2020

U Ma Simon Siangshai u MLA bad MDC barim ka Rymbai Legislative Assembly constituency kaba la tip mynta kum ka Khliehriat Legislative Assembly Constituency u la khlad noh na kane ka pyrthai hynne ka step.

U ma Simon Siangshai u la khlad na ka daw ka jingpang ka ba la bat ia u la kumba shibnai eiei mynta bad shah sumar ha Super Care Hospital, Shillong. Ia ka met jong u la wan kit ha iing sah jong u Lad-Sutnga Lad Dkhiah East, Khliehriat.

U ma Simon Siangshai u la long ar sien kum u MDC ka JHADC bad laisien laiwat kum u MLA bad u la ioh bat ruh kum u Myntri ka Tnad Industries ka sorkar Meghalaya ha ki snem ba la u long kum u ne nongmih khmat ka thain.

U Ma Simon Siangshai, ula jop kum u MLA ha u snem 1988 kum u kyrtong shimet, ha u snem 1993 kum u kyrtong ka HPU bad ha u snem 1998 kum u kyrtong ka UDP.

Ha u snem 2003 ula ieng elekshon na ka NCP bad ula shah pynrem ha u Nehlang Lyngdoh, ha u snem 2008 ruh ula ieng ban iakhun na ka NCP bad ula shah rem biang u ma Nehlang Lyngdoh.

Ka jingpyndep ka niam ka rukom kan long ha ka Sngi U Blei ha ka por 12:00 ha Lumjingtep ka Balang Catholic.

Halor kane ka jingkhlad noh u ma Simon Siangshai na ka liang ka Seng Kur Phawa Siangshai lyngba kane ka khubor ka phah ia ka khubor sngewlem sha ki khun ki kti bad ka lok jong u bad baroh kiba haiing hasem jong u.