Khlad noh u suba donkti halor ka jingshah pyniap u rangbah ha Umtasor
Uwei u briew uba kyrteng u Phurly Suting 52 snem rta na ka shnong Umtasor, Birksuid, Ri Bhoi District uba la shah kem noh halor ka jingsuba donkti ha ka jingshah pyniap jong uwei u rangbah uba kyrteng u Amison Muruh 35 snem rta kaba la jia ha ka 23.05.2024 ha ka shnong Umtasor u la khlad noh.
U Superintendent of Police ka Ri Bhoi u Jagpal Singh Dhanoa IPS u la pyntip ba une u suba donkti uba la shah pynngat Case ha ka 24.05.2024 halor katei ka jingshah pyniap jong utei u rangbah u la shah kem bad shah set na ka bynta lai sngi hadien ka jingaibor da ka iingkashari na ka bynta ban pynlong ia ka jingtohkit.
![](https://www.syllad.com/wp-content/uploads/2024/09/JIT-Vacancy-823x1024.avif)
Hynrei, la ong ba ha ka 25.05.2024 une u briew u la pynpaw ia ki dak shah ktah ha ka bor pyrkhat pyrdain da kaba sdang ban leh klumar bad hadien ba la ialam noh ia u sha Civil Hospital, Nongpoh ha katei hi ka janmiet, bad hadien la pynkynriah noh sha MIMHANS Shillong ha kaba la pynbna ba u la dep khlad.
Hadien kane la pynkynriah noh ia ka met sha ka jaka buh metiap jong ka Civil Hospital, Shillong.
Ia ka jingtohkit bniah da u Magistrate na ka ophis u Deputy Commissioner, East Khasi Hills, District la pynlong ha ryngkat ka jingring video ha ryngkat ka jingiadon lang u Medical Officer ka Civil Hospital Shillong ha kaba la pyndep ruh ia ka jingleh post mortem. Baroh ki kyndon jong ka National Human Rights la bud ryntih. Ka jingtohkit halor kane ka la iaid shakhmat bad la register UD case katkum ka case Umiam PS UD Case No 14/2024 dated 26.05.24.
Leave a Reply