Khlad noh u Syiem ka Raid Nongtung

Syllad | The Rising MeghalayaJuly 18, 2023

U Syiem jong ka Raid Nongtung u Paiem Miwel Shadap u la khlad noh na kane ka pyrthei ha ka iingsah jong u ha Umpowin, Ri Bhoi District ha ka Step jong ka sngi ba Ar.

Ka Raid Nongtung ka hap hapoh ka jingkhmih jong ka Hima Khyrim kaba don ia ka headquarter jong ka ha Smit.

Hapoh Raid Nongtung ki don kumba 35 tylli ki shnong kiba kynthup ruh ia 22 tylli ki shnong kiba dang don hapdeng ka jingiakajia bad Assam bad Meghalaya ia kaba la tip kum ka Block-II.

U Paiem Miwel Shadap u la long u Syiem uba shitrhem ban iakhun bad iatreilang bad ki nongialam shnong jong kitei ki 22 tylli shnong ban wanrah biang ia ki sha Meghalaya.