Khlad sa 10 ngut, iabit thymmai iaka jingpang khlam COVID-19 387

Syllad | The Rising MeghalayaJuly 19, 2021

Ki don 10 ngut kiba iap naka jingpang khlam COVID-19 bad 387 ngut kiba iabit thymmai iaka jingpang khlam COVID-19 haka sngi Nyngkong.

Kine kiba khlad sa 10 ngut ki dei na East Khasi Hills: 08 bad mar iwei na West Garo Hills bad West Jaintia Hills. Da kane jingiap kine ki 10 ngut ka jingiap khlam kala kynjoh sha ka 955 ngut ha jylla.

Katkum ka jingpyntip ka Tnad ka Koit ka Khiah, ki briew kiba la ïabit thymmai ïa kane ka jingpangkhlam ki don 387 ngut bad kiba dang shitom ne ki active case ki don 4033 ngut hapoh ka Jylla.

Kine ki kynthup EGH: 02, EJH: 08, EKH: 142, NGH: 06, RBD: 58, SGH: 01, SWGH: 04, SWKH: 06, WGH: 96, WJH: 41 bad WKH: 23.

Ki nongpang kiba la ioh pat iaka jingkoit ki don 323 ngut. Kine ki kynthup na EGH: 14, EJH: 17, EKH: 68, NGH: 18, RBD: 46, SGH: 10, SWGH: 05, SWKH: 09, WGH: 76, WJH: 45 bad WKH: 15.

Ka jingdon jong ki briew bala ïabit ïa kane ka jingpang khlam ha Jylla kala kiew sha ka 57775 ngut bad napdeng kine 52787 ngut kila ïoh ïa ka jingkoit bad 955 ngut kiba ïap nalor ki briew ba dang shitom.