Khlad sa 11 ngut 569 iabit thymmai iaka jingpang COVID-19

Syllad | The Rising MeghalayaJuly 30, 2021

Sa 11 ngut briew kila khlad biang naka jingpang khlam COVID-19 bad da kane ka jingjiap khlam kala kynjoh sha ka 1073 haka sngi Thohdieng.

Kine kiba la khlad sa 11 ngut ki dei tang na East Khasi Hills District: 07, Ri Bhoi: 02, East Garo Hills bad West Jaintia Hills mar iwei.

Kat kum ka jingpyntip ka Tnad ka Koit ka Khiah, sa 569 ngut ki briew kila ïabit thymmai ïa kane ka jingpangkhlam bad kiba dang shitom ne ki active case ka long 5791 ngut hapoh ka Jylla.

Ki briew kiba iabit thymmai iaka jingpang khlam ki kynthup na EGH: 06, EJH: 22, EKH: 237, NGH: 11, RBD: 77, SGH: 09, SWGH: 09, SWKH: 20, WGH: 67, WJH: 72 bad WKH: 39.

Ki nongpang kiba la ioh pat iaka jingkoit ki don haduh 517 ngut. Kine ki kynthup na EGH: 13, EJH: 08, EKH: 206, NGH: 24, RBD: 09, SGH: 13, SWGH: 18, SWKH: 09, WGH: 181, WJH: 22 bad WKH: 14.

Ka jingdon jong ki briew bala ïabit ïa kane ka jingpang khlam ha Jylla baroh ka long 64314 ngut bad napdeng kine 57450 ngut kila ïoh ïa ka jingkoit bad 1073 ngut kiba ïap nalor ki briew ba dang shitom.