Khlad sa 13 ngut, kynjoh ka jingiap khlam COVID-19 sha ka 564 ha Jylla

Syllad | The Rising MeghalayaMay 30, 2021

Ka Jylla Meghalaya kala kynjoh haduh 564 ngut ha ka jingdon jong ki briew ba ïap pang COVID-19 da ka jingkhlad biang sa 13 ngut hapoh 24 kynta haka Sngi U Blei.

Kine kiba khlad sa 13 ngut ki dei na EKH: 10 ngut, bad mar iwei na RBD, WJH bad WGH.

Katkum ka jingtip na ka tnad ka koit ka khiah, sa 742 ngut ki briew kila iabit thymmai ia kane jingpang khlam COVID-19 bad kiba dang shitom ne ki active case ki don 7496 ngut hapoh ka Jylla.

Ki briew kiba iabit thymmai iaka jingpang khlam ki kynthup na EGH: 12 (Others), EJH: 35 (Others), EKH: 316 (Others), NGH: 20 (Others), RBD: 65 (Others), SGH: 09 (Others), SWGH: 47 (Others), SWKH: 80 (Others), WGH: 84 (Others), WJH: 62 (Others) bad WKH: 12 (Others).

Ki nongpang kiba la ioh pat iaka jingkoit ki don haduh 974 ngut. Kine ki kynthup na EGH: 19 (Others), EJH: 17 (Others), EKH: 530 (Armed Force/Paramilitary Force –01, Others–529), RBD: 15 (Armed Force/Paramilitary Force –01, Others–14), NGH: 14 (Others), SGH: 23 (Others), SWGH: 46 (Others), SWKH: 09 (Others), WGH: 88 (Others), WJH: 172 (Others) bad WKH: 41 (Others)

Ka jingdon jong ki briew bala ïabit ïa kane ka jingpang khlam ha Jylla ka long 35190 ngut bad napdeng kine 27130 ngut kila ïoh ïa ka jingkoit bad 564 ngut kiba ïap nalor ki briew ba dang shitom.