Khlad sa 14 ngut, kynjoh ka jingiap khlam COVID-19 sha ka 988, iabit thymmai 513

Syllad | The Rising MeghalayaJuly 22, 2021

Sa 14 ngut ki briew kila iap na ka jingpang khlam COVID-19 bad 513 ngut kiba iabit thymmai iaka jingpang khlam haka sngi Palei.

Kine kiba khlad sa 14 ngut ki dei East Khasi Hills: 11 bad mar iwei na South West Khasi Hills, West Jaintia Hills bad West Khasi Hills. Da kane ka jingiap biang sa 14 ngut ka jingdon jong ki briew kiba iap pang COVID-19 kala kynjoh sha 988 ngut.

Kat kum ka jingpyntip ka Tnad ka Koit ka Khiah, sa 513 ngut ki briew kila ïabit thymmai ïa kane ka jingpangkhlam bad kiba dang shitom ne ki active case ka long 4413 ngut hapoh ka Jylla.

Ki briew kiba iabit thymmai iaka jingpang khlam ki kynthup na EGH: 12, EJH: 06, EKH: 184, NGH: 25, RBD: 70, SGH: 06, SWGH: 15, SWKH: 28 WGH: 105, WJH: 35 bad WKH: 27.

Ki nongpang kiba la ioh pat iaka jingkoit ki don haduh 307 ngut. Kine ki kynthup na EGH: 12, EJH: 08, EKH: 107, NGH: 02, RBD: 59, SGH: 03, SWGH: 13, SWKH: 11, WGH: 23, WJH: 59 bad WKH: 10.

Ka jingdon jong ki briew bala ïabit ïa kane ka jingpang khlam ha Jylla baroh ka long 59346 ngut bad napdeng kine 53945 ngut kila ïoh ïa ka jingkoit bad 988 ngut kiba ïap nalor ki briew ba dang shitom.