Khlad sa 5 ngut, 693 iabit thymmai iaka jingpang khlam COVID-19

Syllad | The Rising MeghalayaJuly 24, 2021

Sa 5 ngut ki briew kila khlad biang na ka jingpang khlam COVID-19 bad 693 kiba iabit thymmai iaka jingpang khlam haka sngi Saitjain.

Kine kiba khlad sa 5 ngut ki dei tang East Khasi Hills bad da kane ka jingiap pang khlam ha jylla baroh kala kynjoh sha 1014 ngut

Kat kum ka jingpyntip ka Tnad ka Koit ka Khiah, 693 ngut ki briew kila ïabit thymmai ïa kane ka jingpangkhlam bad kiba dang shitom ne ki active case ka long 4708 ngut hapoh ka Jylla.

Ki briew kiba iabit thymmai iaka jingpang khlam ki kynthup na EGH: 12, EJH: 26, EKH: 293, NGH: 05, RBD: 80, SGH: 08, SWGH: 05, SWKH: 27 WGH: 79, WJH: 89 bad WKH: 69.

Ki nongpang kiba la ioh pat iaka jingkoit ki don haduh 519 ngut. Kine ki kynthup na EGH: 25, EJH: 09, EKH: 102, NGH: 11, RBD: 151, SGH: 06, SWGH: 08, SWKH: 23, WGH: 151, WJH: 27 bad WKH: 06.

Ka jingdon jong ki briew bala ïabit ïa kane ka jingpang khlam ha Jylla baroh ka long 60597 ngut bad napdeng kine 54875 ngut kila ïoh ïa ka jingkoit bad 1014 ngut kiba ïap nalor ki briew ba dang shitom.