Khlad sa 6 ngut iabit khlam COVID-19 thymmai 577

Syllad | The Rising MeghalayaJuly 1, 2021

Ki don haduh 577 ngut ki briew kiba iabit thymmai iaka jingpang khlam COVID-19, 6 ngut kiba khlad bad da kane ka jingkhlad ka Jylla kala kynjoh sha ka 844 haka jingdon ki briew kiba iap pang COVID-19 haka sngi Palei.

Kine kiba khlad 6 ngut ki dei na West Jaintia Hill bad West Khasi Hills mar ar ngut, South West Khasi Hill bad ka East Khasi Hill mar iwei.

Kat kum ka jingpyntip ka Tnad ka Koit ka Khiah, sa 577 ngut ki briew kila ïabit thymmai ïa kane ka jingpangkhlam bad kiba dang shitom ne ki active case ki don 4537 ngut hapoh ka Jylla.

Ki briew kiba iabit thymmai iaka jingpang khlam ki kynthup na EGH: 12, EJH: 24, EKH: 157, NGH: 16, RBD: 260, SGH: 06, SWGH: 06, SWKH: 14, WGH: 34, WJH: 21 bad WKH: 27.

Ki nongpang kiba la ioh pat iaka jingkoit ki don haduh 250 ngut. Kine ki kynthup na EGH: 12, EJH: 01, EKH: 70, NGH: 11, RBD: 71, SGH: 03, SWGH: 08, SWKH: 06, WGH: 16, WJH: 45 bad WKH: 07.

Ka jingdon jong ki briew bala ïabit ïa kane ka jingpang khlam ha Jylla kala kiew sha ka 50090 ngut bad napdeng kine 44709 ngut kila ïoh ïa ka jingkoit bad 844 ngut kiba ïap nalor ki briew ba dang shitom.