Khlad sa 8 ngut 569 iabit thymmai iaka jingpang COVID-19

Syllad | The Rising MeghalayaJuly 26, 2021

Phra ngut ki briew kila khlad naka jingpang COVID-19 bad da kane ka jingiap kala kynjoh sha ka 1031 ngut ha Jylla, katba kiba iabit thymmai iaka jingpang ki don 569 ngut haka sngi Nyngkong.

Kine kiba la khlad sa 8 ngut ki dei tang na East Khasi Hills District.

Kat kum ka jingpyntip ka Tnad ka Koit ka Khiah, sa 569 ngut ki briew kila ïabit thymmai ïa kane ka jingpangkhlam bad kiba dang shitom ne ki active case ka long 5084 ngut hapoh ka Jylla.

Ki briew kiba iabit thymmai iaka jingpang khlam ki kynthup na EGH: 04, EJH: 09, EKH: 173, NGH: 06, RBD: 85, SGH: 06, SWGH: 08, SWKH: 72, WGH: 74, WJH: 80 bad WKH: 52.

Ki nongpang kiba la ioh pat iaka jingkoit ki don haduh 485 ngut. Kine ki kynthup na EGH: 13, EJH: 02, EKH: 155, NGH: 16, RBD: 53, SGH: 08, SWGH: 09, SWKH: 34, WGH: 100, WJH: 69 bad WKH: 26.

Ka jingdon jong ki briew bala ïabit ïa kane ka jingpang khlam ha Jylla baroh ka long 61763 ngut bad napdeng kine 55648 ngut kila ïoh ïa ka jingkoit bad 1031 ngut kiba ïap nalor ki briew ba dang shitom.