Khlad sa 9 ngut, kynjoh ka jingiap pang khlam COVID-19 sha ka 797 ngut ha Jylla

Syllad | The Rising MeghalayaJune 23, 2021

Ka Jylla Meghalaya kala kynjoh haduh 797 ngut ha ka jingdon jong ki briew ba ïap pang COVID-19 da ka jingkhlad biang sa 9 ngut haka sngi ba Balang.

Kine kiba khlad sa 9 ngut ki dei na Ri Bhoi District 04, East Khasi Hills 3, West Jaintia Hills 01 bad na South West Khasi Hills 01.

Kat kum ka jingpyntip ka Tnad ka Koit ka Khiah, sa 482 ngut ki briew kila ïabit thymmai ïa kane ka jingpangkhlam bad kiba dang shitom ne ki active case ki don 4312 ngut hapoh ka Jylla.

Ki briew kiba iabit thymmai iaka jingpang khlam ki kynthup na EGH: 38, EJH: 03, EKH: 157, NGH: 22, RBD: 87, SGH: 11, SWGH: 19, SWKH: 42, WGH: 59, WJH: 31 bad WKH: 13.

Ki nongpang kiba la ioh pat iaka jingkoit ki don haduh 434 ngut. Kine ki kynthup na EGH: 08, EJH: 05, EKH: 199, NGH: 11, RBD: 28, SGH: 05, SWGH: 35, SWKH: 00, WGH: 92, WJH: 44 bad WKH: 07.

Ka jingdon jong ki briew bala ïabit ïa kane ka jingpang khlam ha Jylla kala kiew sha ka 46458 ngut bad napdeng kine 41349 ngut kila ïoh ïa ka jingkoit bad 797 ngut kiba ïap nalor ki briew ba dang shitom.