Khlad sa i wei na kiba bam tit, shitom jur 3 ngut kiba shah sumar ha Shillong

Syllad | The Rising MeghalayaApril 29, 2020

Ka theilud kaba 16 snem ka rta kaba dei kawei na kiba bam ïa u tit khlaw na ka shnong Lamin, Amalrem Sub Division kala khlad noh ha ka jaka sumar ha NEIGRIHMS hadien ka jingshitom jur mynta ka nohphaisngi haka por kumba 3 baje eiei.

Kane ka theilud ka dei ka Synran Khonglah, ka para jong u (L) Katdilia Khonglah uba la khlad haka Sngi U Blei.

U Waheh Shnong jong ka, ma Golden Gashnga ula pynthikna ia kane haba kren bad u nongkhubor u syllad.com. Ula iathuh ruh ba ki lai ngut kiwei pat kiba kynthup ïa u Dimah Gashnga uba dang shah sumar ha Woodland Hospital ruh u dang don haka jingshitom.

U Dimah udei u khynnah 7 snem ka rta, u khun jong u ma Morinson Dhar

U Lapynshai bad Amstrong ki para jong u Katdilia ruh mynta ki dang don ha NEIGRIHMS ban ioh ka jingsumar kaba paka.

Sa lai ngut kiwei pat ki dang don ha Jowai Civil Hospital, Ialong bad 9 ngut kila ioh ïaka met kaba koit kaba khiah.

U Morison Dhar bad u Katdilia Khonglah kila khlad haka Sngi U Blei hadien ka jingshitom jur naka jingbam ia u tit uba kila kheit na khlaw hajan shnong haka Sngi U Blei.