Khlad sa uwei, kiew ka jingiap bam tip khlaw sha ka 5 ngut ha Saphai

Syllad | The Rising MeghalayaJune 4, 2024

Ka jingiap na ka jingbam tit khlaw ka la kiew sha ka 5 ngut hadien ka jingkhlad noh sa uwei u rangbah haka step 4 tarik Jylliew.

Une u Rangbah uba khlad u dei u Ma Obar Sutnga 70 snem bad ula khlad hadpeng ka jingsumar ha North Eastern Indira Gandhi Regional Institute of Health and Medical Science (NEIGRIHMS), Shillong.

Nalor u Ma Obar Sutnga, kiwei de kiba la khlad ki long ka kurim jong u ka Kong Anna Suchiang kaba la khlad ha kajuh hi ka Hospital haka step 2 tarik Jylliew bad ki lai ngut ki khynnah rit, ka Riwansaka Suchiang 8 snem, Kitlang Suchiang 12 snem bad u Wansalan Suchiang 15 snem kiba dei ki khun jong ka Kong Jumonlang Suchiang bad Ma Linus Sumer.

Kiba dang don mynta hapdeng ka jingsumar ki long ka Kong Jumonlang Suchiang bad u khun jong ka ba dang 11 bnai kumjuh u Ribaitki Shadap uba don mynta hapdeng ka jingshitom jur hapoh Nazareth Hospital, Shillong.

U Nidawan Kanai 12 ruh u don hapdeng ka jingsumar hapoh NEIGRIHMS, Shillong.

Kumban shu pynkynmaw kane ka jingbam tit khlaw kala jia haka 28 tarik Jymmang haka shnong Saphai kaba hap hapoh Laskein C&RD Block, West Jaintia Hills District.