Khlad sa uwei na kiba bam tit na Lamin, kiew ka jingiap sha ka 5 ngut

Syllad | The Rising MeghalayaMay 3, 2020

Sa uwei uba shitom jur na ka jingbam tit ula khlad noh haka Sngi U Blei bad kane kala wanrah ka jingiap jong ki san ngut ki briew na ka shnong Lamin, ka shnong kaba don ha Amlarem Sub-Division, West Jaiñtia Hills.

Une u ba la khlad dei u Amstrong Khonglah (23), u para jong u Katdilia Khonglah uba la khlad naduh ka Sngi U Blei ka taiew kaba la dei ha ryngkat u Morison Dhar, la ïathuh u Waheh Shnong Lamin ma Golden Gashnga.

U la iathuh ba u Amstrong ula khlad haka por kumba 12:21 PM ha jaka sumar ha North Eastern Indira Gandhi Regional Institute of Health and Medical Sciences (NEIGRIHMS).

Also Read | Kiew ka jingiap sha ka 4 ngut ba bam tit

Kiwei pat kiba dang don hapdeng ka jingshah sumar ki dei u Dimah Gashnga ha Woodland Hospital, ka Mariaba Khonglah bad Wanrika Khonglah kiba kynthup ia u khun bad ki para jong u Morison Dhar bad u Katdilia Khonglah.

Kiwei pat ki 10 ngut na ki lai tylli ki ïing kila ioh mih bad kila ioh iaka met kaba koit kaba khiah.