Khlad u coach ka St. Anthony’s ba rah nyngkong eh ïa ka Subroto Cup ha Jylla

Syllad | The Rising MeghalayaMarch 20, 2020

U Pradip Kumar Baneerjee  u coach jong ka kynhun ialehkai ka skul St Anthony’s Higher Secondary School, Shillong, ka skul kaba nyngkong eh haka ka jylla Meghalaya kaba la ïoh rah nam lahduh haka lympung ialehkai phutbol Subroto Mukherjee Cup jong u snem 1978, u la khlad noh haka sngi Thohdieng ha Kolkata.

La kha ia u Baneerjee ha ka 23 tarik u Jylliew 1936, hapoh ka shnong Moynaguri, kaba don kham pajih na ka shnong Jappaiguri, West Bengal. Hadien pat ka iing ka sem ka jong u, ka la mih ban leit shong shnong noh shapoh Jamshedpur.

Kum u nongialehkai, u Baneerjee u la ioh ba un thep haduh 65 tylli ki kol na ki 84 sien ialehkai kiba u la mihkhmat ia ka India.

U Baneerjee kum u nongialeh bad uba long u Coach ula don bynta bad ka kynhun ialehkai jong ka India kaba la ioh ba kan khur ia ka takma ksiar ka lympung ialehkai jong ka Asian Games kaba la long ha u snem 1962, kaba ha kum kine ki snem, la niew ia u kum uwei na ki snar thep kol  uba ka India ka la sei madan ha kine ki por.

Ka jingialehkai kaba sah jingkynmaw sah ia u Baneerjee ka dei ka kol kaba u la ioh ba un thep ha ka por ba ka India ka la iakhun pyrshah ia ka France ha ka jingiakhun ia ka Rome Olympic kaba la long ha u snem 1960, kaba dei na kane ka kol, ba ka pynlong ia ka India ba kan lah ba kan iakhaid pyrshah bad ka France. Sa kawei ka jingialehkai sah kynmaw ka dei ka jinglam khmat ka jong u ia ka kynhun ialehkai jong ka India ha ka jingiakhun jong ka Melbourne Olympic, ha kaba ka India ka la lah ba kan pynliem noh ia ka Australia da 4-2, ha ka por ba la iakhun ia ka quarterfinal.

Hadien ba u la shongthait noh na ka kam phutbol, u Baneerjee u la iai bteng ban don bynta ha kaban iarap ban hikai bad ban kyntiew ia ka phutbol ha India bad kane ka la biang pura ia u ba un a ioh ban pdiang syndon ia ka khusnam ba kyrpang na ka Fifa ka the Centennial Order of Merit, ha u Lber jong u snem 2004.

Ka jingkhlad noh ka jong u Baneerjee, ka ri hi baroh kawei ka la duh shisha ia uwei na ki khlur ialehkai ba paw bad bna nam ha ki por kiba la leit noh, bad ba long u rang ialehkai bym tyngkai ia la ka bor ka jong u, namar hadien ba u la shongthait, u la shim pat ia ka bynta ban long kum u nonghikai ia kiba bun klob ne wat ia ka kynhun ki rang ialehkai jong ka ri.