Khlad u ma Anthony Bareh, sngewlem ka synjuk waheh shnong Iooksi Saphai Circle

Syllad | The Rising MeghalayaJuly 13, 2021

U Ma Anthony Bareh, Waheh Shnong jong ka Saphai ula khlad noh na kane ka pyrthei haka sngi ba Ar.

Ka Synjuk Waheh Chnong Iooksi Saphai Circle lyngba u Publicity Secretary ka Synjuk u Nangaibormi Sutnga ka la pynpaw iaka jingsngewsih halor ka jingkhlad kyndit noh jong u Ma Anthony Bareh uba long Waheh Chnong ka Saphai, West Jaintia Hills bad ruh uba long hakajuh ka por kum u President ka Synjuk Waheh Chnong Iooksi Saphai Circle.

Ka Synjuk hakum kane ka por ba u lyoh jong ka jingdum ula wan kah iaka longïing jong une u rangbah bad iaka synjuk hi baroh kawei ka phah ia kane ka kyrwoh sngewlem sha ka iing ka sem ka jong u bad ki baieid bathoin ki jong u.

Ka Synjuk kala ong ba u ma Anthony ula synniang shibun sha ka synjuk bad ka imlang ka sahlang ha katei ka thain ban wanrah iaka roi ka par.