Khlad U Ma Obil Kyndait Chairman barim JHADC bad MLA barim ka Rymbai

Syllad | The Rising MeghalayaJuly 16, 2021

U Ma Obil Kyndait u Chairman bad Chief Executive Member barim ka JHADC uba ju long teng u MLA barim ka Rymbai kaba tip mynta kum ka Khliehriat Constituency ula khlad noh na kane ka pyrthei hynne ka step.

U Ma Obil ula iehnoh shadien ia I lok Kong Wanbha Shylla bad 9 ngut ki khun kiba shong ba sah ha Salini Colony, Mihmyntdu, West Jaintia HIlls District.

Ia kaba sah jong U Ma Obil Kyndait yn pyndep lashai ka sngi (17 tarik Naitung 2021) haka shnong trai jong u ha Mukhaialong, East Jaintia  Hills haka por 10 baje mynstep.

U Ma Obil, ula rung sha ka jylli ka sain hima sima kum MDC shimet ha u snem 1973 bad ula jop ruh. Ha u snem 1978 ula pyniasoh ialade sha ka HSPDP bad u la jop iaka MLA elekshon na thain Rymbai bad ha u snem 1983 ula shahrem noh na ka ticket congress. Ha u snem 2009 ula jop iaka MDC elekshon na ka ticket Congress bad u long kum u shongknor ka JHADC.

Ha u snem 2014 ula iakhuh biang iaka elekshon na Tuber kum u kyrtong shimet, hynrei um shym la shah jied shuh ha u paidbah. Kane ka thain ka dei kaba mihkhmat da u ma Lasky Rymbai Dy. CEM ka JHADC mynta.

U Ma Lasky Rymbai., Dy CEM ka JHADC ula phah ka khubor sngewlem sha kiba ha iing hasem u Ma Obil Kyndait. Ula ong ba kane ka jingkhlad noh U Ma Obil ka dei ka jingduh kaba khraw ia katei ka thain namar ba kum u briew bad u nongmihkhmat, ula lah shisha ban noh ia u synñiang u bynhei sha ka imlang ka sahlang ban wanrah iaka roi ka par ka thain.