Khlad u nongniah scooty ba shah tynrah haka trok hajan Ladrymbai

Syllad | The Rising MeghalayaOctober 25, 2021

Uwei u briew ula khlad hashen hadien baka scooty kaba u niah kala shah tynrah naka bynta ba shahdien ha kawei ka trok shuwa ban poi ka shnong Ladrymbai, East Jaintia Hills District.

Ka khubor kaba iohlum kane ka jingjia aksident kala haka por kumba 11:30 ne 12 duna haka sngi Nyngkong.

La iathuh ba une u nongniah scooty hadien bala shah tynrah ula rung shapoh khrum trok bad la shah iuh haka trok kaba don u register number AS 01 CC 0176. Kane ka scooty kaba shah tynrah ka don u number ML11 5706.

Une u briew uba la khlad na kane ka jingjia aksident u dei uba na ka shnong Mookymphad, East Jaintia Hills District. Ki pulit ka Ladrymbai kila shimti iaka metiap bad kila pyndep iaka jingdonkam jong ka aiñ.