Khlad u rangbah ba shah pom da ka wait ha West Jaintia Hills

Syllad | The Rising MeghalayaApril 25, 2025

Uwei u rangbah uba tip kum u Tngen Phawa ula khlad noh na ka jingshah pom da ka wait haka shnong Mupyut haka 22 tarik Iaiong.

Kane ka jingjia kala jia haka 17 tarik Iaiong haka por kumba 10:30 baje mynmiet.

Katkum ka ejahar kaba la mudui ka kong Mel Dkhar sha ki pulit kala pynpaw ba ha ka 17 tarik u Iaiong ha ka por kumba 10.30 baje mynmiet, u khun jong ka u Loris Dkhar (33 snem ka rta) u la thombor ia u lok jong ka u Tngen Phawa da ka wait haka jaka sah jong ki ha ka shnong Mupyut, West Jaintia Hills District.

Wan pyndem ki 2 ngut ki runar tuh thuk thuk hakhmat ki pulit ka Jowai PS

Ha kane ka jingjia une u Tngen ula mynsaw jur bad la rah ia u sha Jarain PHC ban ioh iaka jingsumar, hadien la pynkynriah ia u sha Jowai Civil Hospital Ialong.

Haka 21 tarik Iaiong ka lok (Mel) bad kiba haiing kila pynkit noh ia u Tngen sha shnong ha ka iing ka para jong u ha kaba ula khlad noh haka sngi kaba bud. Halor kane ka jingjia ki pulit kila kem noh ia u Loris Dkhar.