Khlad u rangbah hashen ba shah iuh trok ha Jowai
JOWAI: Uwei u rangbah u ba ym lah satia ban ithuh ula shah iuh haka trok bad khlad hashen ha sor Jowai.
Kane ka jingjia kala jia haka por kumba 8 baje mynmiet ha iew Iawmusiang ha kaba katei ka trok kaba wan na ka thain Amlarem kaba don u registration AS 01 EC 1079 kala kum iuh ïa une u rangbah bad ula khlad noh hashen na ka daw ka jingmynsaw jur.
La ïathuh ba une u rangbah u dang ap kali bad ym tip na kaei ka daw ula poi sha khrum trok bad ula shah iuh na ka bynta ka shaka kaba shadien jong ka trok.
Ki paidbah kiba ïohi ia kane ka jingjia mar mar kila bat ïa u nongniah ka trok uba na shnong Larnai bad aiti ia u sha ki pulit Jowai Police Station bad ki pulit kila leit ruh ban shimti ia katei ka metiap u rangbah ban pyndep iaki jingdonkam ka aiñ.
Facebook
Instagram
Youtube
Twitter
Leave a Reply