Khlad u samla ba iatakhuh ka thuk thuk bad ka trok tanker ha Wahiajer Narpuh
Uwei u samla ula khlad hashen naka jingiatakhuh ka thuk thuk bad ka trok tanker ha surok bah NH 6 ha ka shnong Wahiajer, Narpuh, East Jaintia Hills District.
Kane ka jingjia iatakhuh kala jia haka step 28 tarik Nailur haka por kumba 7 baje-7:20 baje mynstep.
Ka khubor ka iathuh ba kane ka thuk thuk kaba don ia u register number AS024N 5538 kaba niah da u samla Deba Basumatary kala iatakhuh bad kawei ka trok tanker kaba don ia u register number NL01L 0813.
La iathuh ba kane ka trok tanker bad kane ka thuk thuk kila iaid na kajuh ka liang ka surok, hynrei kumno re kumno ka trok tanker kala tynrah nadien ia kane ka thuk thuk bad une u nongniah Deba Basumatary ula liat shapoh khrum ka trok.
Namar ka jingmynsaw jur u Deba Basumataru ula khlad ha katei ka juh ka jaka. Une u Deba udei na ka shnong Borbil Milampur ba hap hapoh ka Police Station Kampur, Nogaon, Assam.
Ki pulit kila shimti iaka met iap jong u bad pynkit sha Khliehriat Civil Hospital ban pyndep iaka postmortem. Hadien bala pyndep iaki jingdonkam ka aiñ la aiti iaka met sha kiba haiing.
Facebook
Instagram
Youtube
Twitter
Leave a Reply